بــــــشروه إني أبرحل مـن حياتـه
بشـــــــــروه وفرحـوا فينـي ذويـه
.
كفنوا جسمي بماضـي ذكرياتـه
ادفنونـي فالمـــــكـان اللـي يبيـه
.
اطلبو منّـه إذا خلّــــــص صلاتـه
فوق لحـــدي يحمله براحـة يديـه
و لي وصل قبري وحقق له مناته
يدفن انسانة تــــــحبه تمـوت فيـه
علموه إني وربــــــي مـن غلاتـه
أعشق ترابٍ مشــت رجله عليـه
.
.
حلفـــــووه يشـد ويقــــــوي ثباتـه
لا ينــــــزّل دمع يجرح لـه عينيـه
.
.
باكر بيندم ويصـــــحى من سباتـه
يحتضن قبــــــري ويبكـي يرتجيـه
.
.
يعتذر عن جرحه وظالم سواتـه
معترف بالذنب لكـن بعـد ايــــــه
.
.
مايفيد الصــوت دام الفوت فاتـه
من خذاه الموت وش له يحتريه
.
.
الزمن غـادر وتطحَنـــــا رَحاتـه
ماصفـا حاله على الدايـم كذيـه
.
.
يستوي ويقوم ويلمــــلـم شتاتـه
يبقى شامخ جلد صـــبـار ونزيـه
.
.
اطلبوه يسمي وحدة مـــن بناتـه
بإسمي وطيفي مـــعا بنتـه يجيـه
.
.
طمنوه انـي مسامحتــــــه لذاتـه
بشـروه.. الله يرضالـي علــــيـه
.
.
وادفنوه بجنبـي ان حانت وفاتـه
جنب انســانة وربي تمـوت فيـه
اتمنى تحوز اعجابكم مثل ما اعجبتني بالحيل ..
تقبلو ارق تحياتي
$دلوعة الشرقية$
السبت ديسمبر 08, 2007 6:45 am